【卒地当】

（丑外）批文紧急力私情，连冥透暗也着行。走到只处脚又痛，陈三、五娘不见影。

兄弟哑，只是赤水溪，溪水紧，恶得过。

（外）都有一只渡船仔（渡舡仔）在许上过来。

（丑外叫介）船（舡）载阮过赤水。

（末白介）兄弟莫了踏破阮船（舡）。

（丑）快快载我过去。

（净）兄弟哑，搭舡须用钱，有钱也无?

（丑）阮有钱。早起有丈夫共一孜娘，又有一孜娘简仔过去哑无？

（末）有，三人过去了，伊分付甲阮莫得说。

（丑）去有若久？

（末）恁问伊卜做乜？

（丑）伊三人是相★(上毛下火)走，阮是官司差卜去力伊。

（末）向说，即在只前头去。

（介）只船（舡）载恁过溪边，阮也不收恁船（舡）钱。

（外）恁乜事不收钱？

（末）恁是公差人，收恁钱讨自吊。

（外）阮今凭你说下落，若卜不见，你着缠。

（并下）